ترحيب

اهلا بيكم نورتوا مدونتى وان شاء الله مدونتى تنال اعجابكم وتكون عند حسن ظنكم دائما تحياتى لكم وشرفتونى .
هلوسة مظلوم !!!!



هلوسة مظلوم


بلاش تفكر وتعلى صوتك وتبقى صياح

احب اقول من قلبى ان كلامنا مش هيفيد
مش هيشفى جراح مش هيرجع اللى راح

يعنى لو فى نفسك كلمه متقولهاش ومتبقاش عنيد
ونصيحتى متتكلمش علشان متزودتش الجراح

يعنى لو اتكلمت هتقدر توقف وتكون شديد
هتقدر توقف فى وش الظلم وتقول انا حقى راح

هتقدر تتكلم وترفع صوتك وتضرب بيد من حديد
معتقدتش ان هتقدر وهترجع مكسور الجناح

لو فاكر لما تتكلم هتفرح وهيبقى ده يوم العيد
لا اصحى هتلاقى اخرت كلامك ان صوتك راح

وياريتها تيجى على الصوت ده انت هتشوف يوم جديد
يوم مش تقدر تقول فيه غير العفو والسماح

حتى لو اتولدلك 100 حفيد
مش هتقدر تحكيله عن حقك اللى ساح

اه هعتبره ساح من غير اثر ومش هقدر اعتبره شهيد
ولحد امتى متاكل حق المظلوم والظالم عايش مرتاح ؟

هو احنا يا اخوانا رجعنا فى زمن العبيد ؟
ماتشوفلنا حل يالى قاعدين فى براح

حلوهالنا ومتقولوش مفيش فى الايد
ماتركبوناش القطر وتخلونا فى بلدنا سواح

طب ازاى هعيش فى بلدى وانا فيها الوحيد ؟
التسميات: edit post
12 Responses
  1. العللاقة بين الظالم والمظلوم علاقة نسبية الى حد ما يعنى مين الظالم ومين المظلوم ممكن تكون انت الظالم وشايف نفسك مظلوم وممكن يكون العكلس بس الحق فين الله اعلم

    بعيدا عن حسابات الظالم والمظلوم
    كلام جميل بس عمر صوت المظلوم ما بيروح وللاسف صوت الظالم اعلى من صوت المظلوم

    طبعا التعليق دا ملخبط شوية بس لو دققت هتعرف قصدى ايه بالظبط
    احمد


  2. يابخت من بات مظلوم ولا بات ظالم

    وانا زعلانة جدا والله
    انك قطعت الزيارات كدا

    انا كنت هكتب نفس الهلوسة دى بس كانت هتبقى ........
    فأكتفيت انى احسبن عليها بس :)

    تحياتى لك


  3. (Joudy) Says:

    جميلة وكلماتها حلوة جدا

    عايزة أسألك سؤال
    ياترى إنت بتنشر ده ولو لا ياريت تنشره فى مجلات أو جرائد

    دمت بكل الخير والسعادة



  4. سلام الله عليكم ورحمته وبركاته



    وانا اتفق مع اسماء واحلام على هذه الجمله بالذات ....


    -صوت الظالم اعلى من صوت المظلوم -

    طبعا ما هو بيظلم وبيشتكي في نفس الوقت لعلك فهمت قصدي يا استاذ احمد
    معليش انا بس أحببتُ أن أضيف شيئ علق في حلقي لايريد التحرر الا لما شفت تعليقك....

    بروفيسور

    حلقة بيني وبين حروفك تربطني

    أعادتني الى ماض غير بعيد ....

    أعجبتني كتاباتك اخي الكريم كثيراً

    جميلة بكلماتها ومعانيها الراقية حتى

    ولو اكتساها الظلم تبقى راقيه


    دمت دوما بخير

    لنرى قلمك المبهر الذي

    يسطع بجماله


    واشكرك لزيارتك الطيبه مدونتي المتواضعه واتمنى يدوم التواصل


  5. كلمات جميله

    وفعلا يا بخت من بات مظلوم

    ربنا يكرمك ويسعدك يارب

    تقبل تحياتى

    فى حفظ الله


  6. حاضر مش مفكر و لا معلى صوتى اعيش ارنب واموت ارنب والنهاية معروفة


  7. ايه يا عم الجمال والحلاوة دي
    أول زيارة ومش الاخيرة إن شاء الله
    بجد مدونتك رائعة جداً
    والبوست ده جميل جداً
    في انتظار زيارتك عشان تنور مدونتي
    صلي علي النبي


  8. جميلة يا احمد
    ايوه كده هو دا الكلام
    بس انا مش شايف حد ظلمك
    ما علينا بس بجد كلمات جميلة
    وخاطرة مميزة
    وبكره تعرف ان لسه فيه أمل جديد
    مهما غراب الظلم زعق فوقينا وصاح
    بكره هتبقى ايامنا احنا فرح وعيد
    والليل مهما طول مسيره يطلع الصباح
    تحياتى يا بروف


  9. Mona Says:

    أستاذ - تحياتى


  10. ريتاج Says:

    مساء الخير

    سعدت بمرورى هنا على صفحات مدونتك الرقيقه

    انا مدونه جديده معاكم واسمى ريتاج
    اتمنا زيارة مدونتى ويبقا التواصل
    تحياتى
    ريتاج


  11. Pink Dreams Says:

    بجد البوست دا جميل قوى

    بس فى مثل انا مقتنعه بيه جدا
    وهو
    يا بخت من بات مظلوم ولا بات ظالم

    يعنى انك تكون مظلوم احسن الف مره من انك تكون انت الظالم

    واكيد ربنا بيرجع حق كل مظلوم

    تحياتى


Google Web Search Gadget

  • حدث خطأ في هذه الأداة

    ساعتى

    عدد زوار مدونتى



    اتكلم من قلبك وقول اللى فى نفسك

    الماوس


    Free CursorsMyspace LayoutsMyspace Comments

    اغنيتى