ترحيب
سلام يا صاحبى .............................
ـــــــــــــــــــــــــــــــــــــــــــــــــ
انت يا صاحبى قلتهالى
نصحتنى ياما وعدتهالى
قلتلى الدنيا ملهاش امان
الدنيا مش سيبالنا غالى
ــــــــــــــــــــــــــــــــــــــــــــــــــــ
انا دلوقتى قوام صدقتك
رحت يا صاحبى وانا محتاجلك
رحت يا صاحبى للى خلقنا
رحت يا صاحبى وانا بشتقالك
ـــــــــــــــــــــــــــــــــــــــــــ
ــــــــــــــــــــــــــــــــــــــــــــــ
مين دلوقتى يا صاحبى يشيلنى
يحس بيا ويشيل همى
ده انت يا صاحبى كنت الوحيد
اللى بيقدر يمسح دمعى
ــــــــــــــــــــــــــــــــــــــــــــــ
فاكر كل ليالينا الحلوه
فاكر اجمل ضحكه وغنوه
فاكر يا صاحبى كل اللى بينا
ده انت يا صاحبى كنت القدوه
ــــــــــــــــــــــــــــــــــــــــــــــــــــ
ماسك صورتك وبكلمها
وبحكيلها وبعرفها
وبقولها قصة صداقتنا
اللى قدرنا وقف فى طريقها
ــــــــــــــــــــــــــــــــــــــــــــــــــــــ
بقول دلوقتى يا رب صبرنى
على بعادك مين يعوضنى
ملقتش زيك يا صاحبى تانى
واللى بقابله قوام يكسرنى
ـــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــ
اه يا قلبى ومين يداوينى
من جرح قلبى ودمع عينى
ببكى عليك يا صاحبى بس
مش هنساك طول سنينى
ـــــــــــــــــــــــــــــــــــــــــــــــــ
انا بدعيلك ودى دعوة صاحبك
ان ربنا يغفر زنبك
ويصبرنا على ما ابتلانا
ويصبرنى ويصبر اهلك
تحياتى لكم
بقلمى
احمد سمير
سنظل احباب
صدقينى لو بايدى اجيبلك نجمتين
واهديهملك ويا احلى وردتين
ومش هقولك غير بس كلمتين
سنظل احباب
ــــــــــــــــــــــــــــــــــــــــــــــــ
مش هعيش غير بس ليكى
ماهو خلاص قلبى فى ايديكى
والحياه اهى بين عنيكى
ولو بعدت صدقبنى
سنظل احباب
ــــــــــــــــــــــــــــــــــــــــــ
دايما بحس ان انتى منى
وشايلك جوه العين والننى
بغير عليكى وده غصب عنى
ووعد منى
سنظل احباب
ـــــــــــــــــــــــــــــــــــــــــــ
بسهر ليالى مش عارف انام
حبك ليا احلى وسام
نفسى اكتبلك احلى كلام
وهفضل اقولك
سنظل احباب
ـــــــــــــــــــــــــــــــــــــــــ
من غير ما الف ولا ادور
قلبى عشقك يا بدر البدور
بكون معاكى فى غاية السرور
وهقولها من غير غرور
سنظل احباب
ـــــــــــــــــــــــــــــــــــــــــــ
ب ح ب كاف
هنشرها على احلى غلاف
وهقولها عليكى بخاف
وهعيشلك وسنظل احباب
ـــــــــــــــــــــــــــــــــــــــــــــ
حبنا هيتسطر فى احلى كتاب
مفيهوش لا كدب ولا حتى عتاب
دى قصة قلب من الحب داب
كتابنا اسمه سنظل احباب
بقلمى
احمد سمير
.jpg)
همسات ادم لحواء
اقول ايه يا حواء ولا اعيد
ماخلاص مفيكيش ذرة احساس
نفسى احطك فى قفص حديد
ولو خرجتى منه هضربك بفاس
نفسى كلامك يكون مفيد
وبلاش غش ونقل من كراس
بكلامك انتى انا هبقى عنيد
بقى بنخون ونغدر طب على اى اساس
نفسى مره لما يتولد حفيد
اقوله ان حواء دى رقه واحساس
بس لو قلت كده هيبقى كدب اكيد
هبقى ظلمته ولبسته قرطاس
هعيشه فى عالم وهيبقى شريد
وهيعيش طول حياته محتاس
ليه يا قلبى ما تنسى حواء وتخليك شديد
ده ظلمها اكيد وشاهده عليه كل الناس
يلا بقى قول وزيد وعيد
ان كرهك لحواء مبقاش ينقاس
بقلمى
احمد سمير
انا يا خوانا بحب حواء موت ومن دونها مش هيكتمل العالم بس ده شعر عادى من تاليفى يعنى متفهموش انى ضد حواء ولا حاجه
لا ده انا بحب حواء ولها عندى كل احترام وتقدير ولكن فى النهايه هذا شعر
مملكة الحنان
سيدتى انا الان اجلس على مملكة اطلقت عليها مملكة الحنان
انا الان انتظرك بجوارى فها قد ان الاوان
لتكونى سيدة المملكه ولتحمكى قلبى الحيران
هيا بنا الان نعيش ونغنى ونعزف احلى الالحان
محبوبتى محبوبتى ساظل احبك ساظل لكى عاشق ولهان
سنرسم صوره لنا يصعب على رسمها اكبر فنان
طيبه وجمال ورقة احساس سبحان ما خلق الرحمن
سنعيش سويا ومعا وساثبت لكى حبى بامران
ستظلى فى قلبى وستظلى عالقه فى الوجدان
حينما تغيبين ابتعد واعيش فى عالم التوهان
لكن بتواجدك معى اظل سعيدا واكون فرحان
اعذرينى لغيرتى حبيبتى فانا مازلت انسان
فلا تحاولى اختبارى حبكى لكى فغيرتى عليكى تقسم الجبل نصفان
فانتى لى اميرتى وانا لكى فارس الفرسان
ساطلق عليكى اميرة المملكة وساكون انا امير مملكة الحنان
بقلمى
احمد سمير
امير مملكة الحنان
انا طبعا مش هتكلم عن اللى حصل لانى الكل شافه وعارفه وانا عن نفسى اتكلمت فى مواقع كتير عن مجموعة الغوغاء وما فعلوه
نحن نعلم انها مؤامره مدبره
لذلك.......................
بسم الله الرحمن الرحيماللى حصل فى السودان بجد مهزلة وقلة ادب بعد اللى حصل من الجماهير الجزائرية للمصريين هناك بعد المباره فى السودان بجد بجد بجد انا حزين على اللى حصل ومش لاقى كلمة توصف اللى انا حاسه بعد الاهانة اللى شافها المصريين هناك بعد الماتش عشان كده بطالب من الشعب المصرى بالكامل وكل الوطن العربى يصوتوا معانا لإلغاء نتجية المبارة وإقامة المباراة مرة اخرى بدون جمهور وعلى ارض محايدةانا مش بفترى على الجزائريين ده نص المادة العاشر من قانون الفيفا اللى بيحقلهم يلغوا المباراة بعد الاحداث المؤسفة اللى حصلت من الجماهيربرغم ان كل الناس اجمعت انى مفيش اى حد من المصريين استفز الجزائريين لا بلفظ او بفعلوبرغم انهم كانوا فى مصر الفين مشجع بس خدوا حريتهم بالكامل يعبروا عن رايهمومحدش اعترضهم وحتى بعد الهزيمة محدش لمس شخص واحد فيهمياجماعة اللى حصل ده اسمه قلة ادب والله حرام يعملوا فينا كده عشان ماتش كورة
اولا : لو بتحب بلدك بجد أدخل على موقع الفيفا على الرابط دهhttp://www.fifa.com/contact/form.html
ثانيا : اختار الخيار التالت Feedback on National Teams' Fixtures and Results
ثالثا : اكتب اسمك بالكامل
رابعا : اكتب اميلك
خامسا : وبعد كده اكتب عنوان شكوتك ولازم يكون بالانجليزى عشان كده تقدر تكتب العنوان ده
I call for cancellation of the match between Egypt and Algeria
وترجمته انك بتطالب بإلغاء المباراة بين مصر والجزائر بعد الاحداث المؤسفة وبعد كده اكتب الموضوع ده ولازم يكون بالانجليزى وعشان كده انا كتبتلك الموضوع خده كوبى وباست على طول
After the unfortunate events match between Egypt and Algeria, I call for cancellation of the Union FIFA game, which was held between Egypt and Algeria in Sudan after what happened in Algeria after the public from the game infringed on the Egyptian public beatings, insults and humiliationAccording to Article 10 of the Code of the Federation of FIFA asking for cancellation of the game and a game behind closed
doors and on neutral groundThanks
ترجمته :بعد الاحداث المؤسفة بين مبارة مصر والجزائر اطالب اتحاد الفيفا بإلغاء نتيجة المبارة التى اقيمت بين مصر والجزائر فى السودان بعد ما حدث من الجمهور الجزائرى بعد المبارة من تعدى على الجمهور المصرى بالضرب والسب والإهانة وطبقا للمادة 10 من قانون اتحاد الفيفا اطالب بإلغاء نتيجة المبارة وإقامة المبارة بدون جمهور وعلى أرض محايدة وشكرا
اللى كويس فى الانجليزى وحابب يكتب حاجه غير كده براحته
طبعاسادسا هتلاقى حاجة اسمها url: حط فيها الرابط ده http://www.youtube.com/watch?v=djLWwXfvpjM
سابعا : دوس على submit طبعا بعد ما تدخل الارقام اللى ظاهرة فى المربع
يلا يا شباب الشكاوى وصلت ل200000 شكوى واكثر وستزيد ان شاء الله
بسم الله الرحمن الرحيم
الحمد لله رب العالمين على النصر لمصر
مبروك الفوز يا ام الدنيا .... مليون مبروك ل80 مليون مصرى
وان شاء الله يوم الاربعاء هنقول مليون مبروك للصعود لكاس العالم ان شاء الله
يوم السبت الموافق 14 نوفمبر 2009 كان يوم تاريخى ظلت مصر ساهره الى صباح اليوم التالى فرحه لفوز المنتخب المصرى على الجزائرى 2 - 0 هذه النتيجه جعلت هناك امل كبير لمصر بخوض المباراه الفاصله وان شاء الله النصر لمصر
بس طبعا هناك بعض الافعال التى لم تعجبنا بالطبع فعلها الجمهور الجزائرى وانا نهوت عنها وتحثت بالتفصيل عنها ولما فعلوا ذلك فى مدونتى الثانيه عندما ياتى المساء امنة ان تتطلعوا عليها لتعطونى ارائكم
عنوان المدونه http://mtkhafush.blogspot.com/
ومليون مبروك لمصر
ازيكم يا احلى مدونين
تم بحمد الله عمل مدونه مشتركه بينى انا البروفيسير ( احمد سمير ) صاحب مدونة مدرسة الحياه
وبين بياع كلام صاحب مدونة الحلم الجميل
وبين ميما صاحبة مدونة دموع القمر
وبين توته صاحبة مدونة احلى دنيا
وتم تسميت المدونه المشتركه باسم : مدونة عندما ياتى المساء
رابط المدونه
على فكره احنا الاربعه كلنا قرايب هههههههههه يعنى جروب او مدونه مننا فينا ههههههههه
المهم انا نفسى تشوفها وتقوللنا رايكم اللى اكيد بيهمنا
واللى عنده اى تعليق عليها ياريت يقوله
يلا انا هستناكم
تحياتى
Google Web Search Gadget
المشاركات
